Tips-imi Lotto-milu Pulje B-iip, allaffissornikkut ingerlanneqarnera, nuunneqarpoq uunga:
Ilinniartitaanermut, Kultureqarnermut, Ilageeqarnermik, Ilisimatusarnermullu Naalakkersuisoqarfimmut.
Saaffiginninnerit qinnuteqaatillu uunga nassiuttassapput:
Ilinniartitaanermut, Kultureqarnermut, Ilageeqarnermik, Ilisimatusarnermullu Naalakkersuisoqarfik
Postboks 1029
3900 Nuuk.
Mail: Denne e-mail adresse bliver beskyttet mod spambots. Du skal have JavaScript aktiveret for at vise den.
Tips-ersimagaanni, Lotto-rsimagaanni allanilluunnit Dansk Tipstjeneste-meersunik spiller-simagaanni, assersuutigalugu kiliortuisimagaanni, taava sinneqartoorutit pitsaasumik siunertaqartumik siunertanut assigiinngitsunut atorneqartarput. Aningaasat Dansk Tipstjeneste-meersut taaneqartarput Tips-ernermit Lotto-rnermillu aningaasat, taakkulu aningaasaliissutinut pingasunut agguataarneqartarput:
- Aningaasaliissutit A-t. Tassanngaanniit timersornernut tamanit peqataaffigineqarsinnaasunut tapiissutit matumani innarluutillit utoqqaallu timersorneri ilanngullugit taamatuttaaq piukkunnaatillit pikkorinnerillu timersornerannut tapiissutit qinnuteqaatigineqarsinnaapput. Aningaasat timersoqatigiiffinnit qinnuteqaatigineqarsinnaapput Kalaallit Nunaannilu timersortartut kattuffiannit aamma Elite Sport Greenland-imit agguaanneqartarlutik
- Aningaasaliissutit B-t. Tassanngaanniit meeqqanut inuusuttunullu timersorneq pinnagu suliniuteqarfigineqarnerannut tapiissutit qinnuteqaatigineqarsinnaapput.
- Aningaasaliissutit C-t. Tassanngaanniit tamanut iluaqutaasussanik siunertanut matumani kulturimut tunngatillugu siunertanut, inunnik qaammarsaanermut siunertanut, nappaatinik akiuiniarnermut pinaveersaartitsinermullu siunertanut, inooqatigiinnermut tunngasunut siunertanut, asimiititsinissanik siunertanut aamma tamanut iluaqutaasussanik ilisimatusarniarluni siunertanut ilanngullugit, tapiiffigineqarnissaat pillugu qinnuteqartoqarsinnaavoq
Timersoqatigiiffiit aamma meeqqanut inuusuttunullu timersorneq pinnagu suliniaqatigiiffiit, aningaasaliissutinit A-nit aamma B-init tapiiffigineqarnissamik qinnuteqarnissamut periarfissaqarput. Suliniaqatigiiffiit taakku aningaasaliissutit C-t aqqutigalugit sammisaqartitsinernut, aningaasaliissutit A-t aamma B-t aqqutigalugit tapiissuteqarfigineqartartunut piumasaqaatit tamakkiisumik ilaannakuusumilluunniit avataaniittunut, tapiissutinik qinnuteqarnissamut aamma periarfissaqarput.
Inuit ataasiakkaat aamma suliniaqatigiiffiit allat aningaasaliissutinit C-nit tapiissutinik taamaallaat qinnuteqarsinnaapput.
Malugiuk
Qinnuteqaativit inaarlugu suliarineqarnissaata tungaanut sivikinnerpaamik sapaatit akunneri arfineq-pingasut (8) ingerlanissaat naatsorsuutigissavat. Taamaammat aningaasat atornissaat sioqqullugu apeqqutigerusussinnaasavit qulaajaaffigisimanissaat isumagalugu piffissaalluarallartillugulu qinnuteqassagavit.
Missingersuutinut, naatsorsuutinut aamma kukkunersiuisoqarnermut piumasaqaatit immikkut ittut aamma eqqumaffigissavatit
Link: